أمانـه .. لا تعلقنـي معـاك وتنسحـب بسكـات
أمانة .. كـل مـا يطـري عليـك البعـد علّمنـي
وأمانة .. لا تعيشني علـى رجـوى زمـان ٍفـات
إذا هان الذي بيني وبينـك .. حّـن .. وأرحمنـي
وأمانة .. لا توقفني علـى بـاب الأمـل لحظـات
ترى كل شـي يهـون .. إلا تـروح ولا تكلمنّـي
وتراهـا كلمـة وحـده بـلا عـذر وبـلا إثبـات
وإذا خفت الزعـل منهـا .. تراهـا مـا تزعلنّـي
أنا أزعل يوم تنساني وأنا أتبع حلمـي اللـي مـات
وأنا أذكر ما دهى قلبي .. مابغـى مـن يذكرنـي
بدايـة قصتـي كلمـة .. وآخـر قصتـي أبيـات
عذاب ٍكل ما طالت سنينه شفـت المـوت طاولنـي
أنا اللي ما وفـى حظـي سـوا بالهـم واللوعـات
أمنّي قلبـي الطيـب .. وأشـوف الحـظ خاينّـي
أنا اللي ما أحتمل قلبي فراق اللي يبـي .. هيهـات
ألا لو يحتمل قلبي .. لا أجنّب مـن رحـل عنّـي
روى خدي من دموعي شبع قلبـي مـن النكبّـات
أظن الظن بأحبابي .. وماأسرع ما أختلـف ظنّـي
ضميت من الهوى ياما .. وتجرعت العنا رشفـات
وتنطحّت الدهـر هالـك صويـب ... لا كنّـي ..
أزيف ضحكتي .. مهما بقى فـي خاطـري ونّـات
وأضمد طعنتي .. مهمـا ظـروف الوقـت ذلنّـي
وترى لو شفتني أضحك وأجامل .. وأكثر الضحكات
ترى كل السنين اللي مضتلي .. ما ضحـك سنّـي
وإليّا مني فرحت بوقـت بكيـت فباقـي الأوقـات
وتبغاني بعد أسكـت ..! وترحـل مـا تعلمنّـي !
ترى ماني بناقص هم .. ودموع وحزن .. وآهـات
أمااانـة .. لا تعلقـنّـي بحـبـك .. لا تعلقـنّـي
أمانة .. يا آخر أحلامي .. أمانة يا أعذب الترفـات
أمانة .. كل ما يطـري عليـك البعـد .. علمنـي